နိုင်ငံခြားသားမှတ်ပုံတင်လက်မှတ် YGN သင်္ကေတဖြင့် ကိုင်ဆောင်ထားသူ နိုင်ငံခြားသားများ၏ နိုင်ငံခြားသားမှတ်ပုံတင်လက်မှတ် နှစ်စဉ်သက်တမ်း အတည်ပြုလဲလှယ်ခြင်းလုပ်ငန်းနှင့်ပတ်သက်၍ အသိပေးခြင်း
- မြန်မာနိုင်ငံသို့ ပြည်ပနိုင်ငံအသီးသီးမှ ပြည်ဝင်ဗီဇာ တစ်မျိုးမျိုးဖြင့် ဝင်ရောက်ခဲ့ပြီး ရက်ပေါင်း (၉၀) ထက် ကျော်လွန်နေထိုင်သူများသည် ၁၉၄၈ ခုနှစ် နိုင်ငံခြားသားများ မှတ်ပုံတင်ရေး နည်းဥပဒေ အပိုဒ် ၆(၁)(ခ)(ဂ) တို့အရ YGN သင်္ကေတဖြင့် နိုင်ငံခြားသား မှတ်ပုံတင် ကိုင်ဆောင်ရပါသည်။
- YGN သင်္ကေတ နိုင်ငံခြားသားမှတ်ပုံတင်လက်မှတ်သည် နှစ်စဉ် နိုဝင်ဘာလ (၃၀) ရက်နေ့ တွင် သက်တမ်းကုန်ဆုံးပါသည်။ ၁၉၄၈ ခုနှစ် နိုင်ငံခြားသားများ မှတ်ပုံတင်ရေး နည်းဥပဒေ အပိုဒ် ၇(၂)(ခ) အရ သက်တမ်းကုန်ဆုံးသည့်နေ့မှ ရက် (၃၀) အတွင်း နိုင်ငံခြားသား မှတ်ပုံတင်လက်မှတ် လဲလှယ်ခြင်း ဆောင်ရွက်ရမည်ဖြစ်ပါသည်။
- သို့ပါ၍ နှစ်စဉ် ဒီဇင်ဘာလ (၁) ရက်နေ့မှ (၃၀) ရက်နေ့အတွင်း သတ်မှတ်အခငွေ (9) US$ ပေးသွင်းစေ၍ နိုင်ငံခြားသားမှတ်ပုံတင်လက်မှတ် လဲလှယ်ခြင်းလုပ်ငန်း ဆောင်ရွက် ပေးလျက်ရှိပါသည်။ သတ်မှတ်ကာလကုန်ဆုံးပြီး ဇန်နဝါရီလအတွင်း လာရောက်လဲလှယ် ပါက နိုင်ငံခြားသားများ မှတ်ပုံတင်ရေးနည်းဥပဒေ အပိုဒ် ၁၇ (၃) အရ ကျသင့်အခွန်ငွေ၏ (၂) ဆ ဖြစ်သည့် (18) US$ ပေးသွင်းရမည်ဖြစ်ပါသည်။
- ၂၀၂၀ ပြည့်နှစ်တွင် ကမ္ဘာနှင့်တစ်ဝှမ်းဖြစ်ပေါ်လျက်ရှိသည့် COVID-19 ကပ်ရောဂါ ဖြစ်ပွားချိန် ဖြစ်နေခြင်းကြောင့် မြန်မာနိုင်ငံတွင်း ရောက်ရှိနေထိုင်ကြသည့် နိုင်ငံခြားသားများအတွက် နိုင်ငံခြားသားမှတ်ပုံတင် (YGN – သင်္ကေတ) လက်မှတ် ကိုင်ဆောင်သူများ အဆင်ပြေ ချောမွေ့စေရေးအတွက် နှစ်စဉ်လဲလှယ်ခြင်းလုပ်ငန်းကို ၁၆-၁၁-၂၀၂၀ ရက်နေ့မှစတင်၍ (ရုံးပိတ်ရက်မပါ) ကြိုတင်ဆောင်ရွက်ပေးမည်ဖြစ်ပါကြောင်း အသိပေးအပ်ပါသည်။
Sorry, the comment form is closed at this time.